யாமறிந்த மொழிகளிலே

அழகிற்கு இலக்கணம் கற்பிக்க
நினைப்பவர்கள் முட்டாள்கள்
அழகை வரையறுக்க முயல்பவர்கள்
ரசனை அற்றவர்கள்

மீன் போன்ற கண்ணே
மேலானது என்பவர்கள்
உருண்டை கண்
உருட்டலில் உழலாதவர்கள்

சீரான பற்களே
சிறப்பென நினைப்பவர்கள்
தெத்து பல் பெண்களின்
சிரிப்பில் சிக்காதவர்கள்

வெளிர் நிறமே உயர்ந்தது
என பேசுபவர்கள்
கருப்பு மங்கையரின் அழகில்
காணாமல் போகாதவர்கள்

நெடிய கூந்தலே சிறந்தது
என வாதிடுபவர்கள்
சுருட்டை முடி அலைகளில்
நீந்த தெரியாதவர்கள்

உயரமான பெண்களையே
உயர்த்தி பிடிப்பவர்கள்
குட்டை பெண்ணின் முகம்
நெஞ்சில் புதைவதை ரசிக்காதவர்கள்

சிறுத்த இடையை
சிலாகித்து பேசுபவர்கள்
இடுப்பு மடிப்புக்களில்
மயங்கி போகாதவர்கள்
மாசற்ற முகத்தை
முன் மொழிபவர்கள்
கழுத்து தேமலுக்கும் உதட்டு
மச்சத்திற்கும் மடியாதவர்கள்

தாய் கொடுத்த தாய்ப்பாலு
இப்போ எனக்கு நினவில்ல
தாத்தா நீ ஊட்டுன சோறு
நெஞ்சு குழியில் நிக்குதையா

சின்ன வயசுல தாய் மடியில்
தூங்கியதா எந்த நினப்பும் இல்ல
தாத்தா உன் தோளில் நீ தட்டி
தூங்கியது மனச விட்டு நீங்கலையே

சாமி வந்து சொல்லுச்சுன்னு
மீனும் கறியும் நீ விட்ட
என் சாமி உனக்காக தானே
அதையெல்லாம் நானும் விட்டேன்

கோடி கணக்குல சொத்து
வச்சிட்டு போகவில்ல.. ஆனா
அன்பையும் ஒழுக்கத்தையும்
கத்து கொடுத்துட்டு போயிருக்க
வயசான உடம்பு தானே
வயித்தியம் போதுமுன்னு
பாவிப்பய நெனசுட்டனா

ராசா போல என வளத்தியே
உன் இறுதி ஊர்வலத்துல
உன்ன ராசப்போல் நான்
அனுப்பி வைக்கலையோ

நாங்க நல்லா இருந்தா நீ
நல்லா இருப்பனு சொல்லுவியே
நாங்க ரொம்ப நல்லா இருக்கையிலே
எங்கள விட்டு ஏன் போன

தாய விட்டு பிரிச்சா குழந்த அழுமாம்
ஆனா நான் அழமாட்டேன்
பிரிப்பது நீயா இருந்தா.. இப்போ
நீயே என்ன பிரிஞ்சு போயிட்டியே

முதல் மாத சம்பளத்திலேயே அப்பாவை மிஞ்சினான்
சம்பள உயர்வுகளில் அப்பப்பா சொல்ல வைத்தான்

பீட்சாவும்  பர்கரும் இல்லாமல் வாழ மறுத்தான்
இட்லியும் தோசையும் என்னவென்று கேட்டான்

மாதம் ஒருமுறை மேலாடை வாங்கினான்
வெளிநாட்டு தரத்தில் உள்ளாடை வாங்கினான்

23 வயதில் சொந்த வீடு வாங்கினான்
தவணை முறையில் சிற்றுந்தும் வாங்கினான்

வெள்ளையனை விட அழகாக அங்கிலம் பேசினான்
அமெரிக்கனுக்கே வியாபாரத்தில் வகுப்பு எடுத்தான்

எல்லாம் கிடைத்த மென்பொறியாளன்
ஏனோ smileyல் :) மட்டுமே சிரிக்கிறான்

அலை என்னும் கையால் என்னை அழைத்தாய்

நான் இன்னும் காதலிக்கவில்லை

பள்ளி பருவத்தில் ஒரு பெண்ணின் மீது
ஈர்ப்பு வந்ததே அது காதலா ?

கல்லூரி நாட்களில் ஒரு பெண்ணை மட்டும்
மிகவும் பிடித்ததே அது காதலா ?

வேலையில் சேர்ந்த போது ஒரு பெண்ணின் மேல்
பாசம் வந்ததே அது காதலா ?

அறிவு முதிர்ந்த போது ஒரு பெண்ணிடம்
நல்ல நட்பு மலர்ந்ததே அது காதலா ?

எது காதல் என்று புரியும் முன்பே
திருமணத்தை புரிந்து கொள்ள சொன்னார்கள்

எவருடைய அழுகையோ
ஒப்பாரியோ  கூட
என்னை சலனப்படுதியதில்லை


ஆனால் ஏனோ
ஊனமுற்றவர்களின் சிரிப்பு
என்னை கலங்க வைக்கிறது